REZETA DE CARNE CON GÜEGOS FATOS

En feba se 'n aqueros ibiernos chelidos d'antismas quan'as boiras e los chelos n'aturaban dica qu'arribaba chunio ben plegau . Sisquiera tornasen ne e antimas tota itxa quiesta chent que s'en fuyio con ells!

Yo'n remero me  sopre tot à la mia maye n'a recusina fendo ista pobra minchata qu'a yo me cuacuaba asapelo. 

A carne emplegata yera tallo baixo u espinazo u costiella de cochin e rariza begata charretes de ternasco. E legito que n'atros puestos s'en feba serbir llonganiza tamien.

Tamien s'emplegaban  atros bechetables d'ibierno d'a traza de garchofa , ses esquixes u cardo.

A traza de fer-li no yera cutiana no pas de gran cusina.

O primer de tot se doraba a carne per os dos costaus , dimpues se feban os guegos.

Os güegos fatos emplegaban pan duro, una picata de allo e prexil, pinyons e guego. S'en mizclaban ben 

fendo una maseta e se freyiban. aguartaban n'un plato

En augua rebullita se chitaban espargos berdes( muito frecuens per os ripazos) allo, sale, olio, prexil, un chorrete d'azeto  e la carne. Quan se creyiba que tot yera ben feito se chitaban os güegos e se serbiban.

Chentata muito simpla que me sapeba à gloriya.

UNATRA REZETA DE ROSCA U BOLLOS

 

 Güe ye Nuey de Reys ,de chuntas con maitin , a zaguera birolla de Nadal. A zaguera , no pas! Pus agun resta Sant Balero e muitas atras calendatas  con laminerias e roscons . Asinas que ista besprata ba a estar,si lo preu d'a luz mos deixa fer-li, una preba ta fer muitismos roscos e laminerías. Calerba u caldria fer un calendaire (prenostico) con birollas e sants dica cuasi marz.

Mientres , imos à fer un roscon.

 MASA

1. 75 ml –leite
2. 25 gs leba freda de furner
3. 42 ml aulor d’augua d’azar
4. 1,5 Guegos / 0,5 ta xolaquiar
5. Rallatura sacau lo blanc
6. 50 gs de mantega molla(no pansa)
7. 340 gs de farina de fortor
8. 75 gs asucre
9. 1 pizco de sale

TA XOLAQUIAR NE

1. 0’5 guegos
2. Fruita escarchata
3. Asucre e augua d’azar
4. Amellas llaminatas.

A MASA MAI

 A tradizional traza de fer pan ye emplegan a masa mai, a leba d'antismas e mai de totas as lebas.Muito antis de qu'a leba estiese  mercalizata, n'as casas e profes n'os furnos se feba serbir una masa asinas clamata..

Si tos fa goy busatros totz soz capables de en  fer-la à casa.

Cale fer mizcla duran qualques (lo mens zinq)diyas de farina e augua à partis parellas. Mizclamos 2 cullaras de farina e 2 d'ugua e deixamos 1 diya, lugo dimpues repetimos lo riedo dica beyer pompetas. Si mos fa goy potemos chitar una cullareta d'asucre. 

Pasaus ixos diyas, imos á fer pan. O dominche ye lo millor diya.

Mizcla ta una tonya(fogaza)u pan de lugar:    

                                        -120 grs de masa mai

                                        -540 grs de farina( de rasmia e puet estar integral)

                                        -240 grs d'augua caldeata 

                                        -una cullareta de sale(8 grms)

O primer de tot imos a meter a masa n'a augua e beyeremos que flota(sinyal de que a lebato prou ben) e a continazion imos a  fer mizcla de tot, quitata la sale. O deixamos reposar 1 ora, ta que faiga "autolisis".

A continazion  mizclamos , masan, ubrien un forau n'o meyo e zarran li ne de siguidas con a sale fen plegaus sopre o zintro d'a masa. ( s'en puet mizcla con un poquet d'augua restata d'a cantidat d'a rezeta)

Deixamos reposar 4 oras protechindolo con un plastico o cobertera, dimpues de isto beyeremos q'a lebato muitismo).

Masamos un poquet boleyandolo e deixamos lebar a boleta sopre un drap enfarinau e tapau con plastico u cobertera duran 4 oretas mes. 

Bulcamos sopre una bandexa tapan con un pote de beire resisten a'l furno  u dintro d'una borsa de furniar, fen un tallau fondo ta que grenye)

Metemos n'o furno caldeau à 200º graus pendient 20 menutos.

Rematamos en 20 menutos sin beire u borsa de plastico dica de beiga ben durato..

O PAN D'A NUASTRA CASA

Fa muitas anyatas que no meto denguna dentrata n'o bloch. 

Dende la zaguera, ban pasar muitismas cosas,alufrando lo pasau inmediato entri totas cal  estacar a pandemia. Intes de silenzio e cullaratas fatas agunque tamien de leuturas, mosica, familla e cusina. 

Qui no pas a gosau fer pan n'a suya casa? Os primers intentos prou chaparros e dimpues  poquet a poquet a masa lebaba mes.

Guey ,circa d 'as birollas mes grans de Zaragoza e deseyando lo millor ta totz os minchaires d'a rete, imos a fer pan. 

Abans imos á remerar qu'o puesto an se feba pan yera lo furno  que fer pan yera furniar e que bi a muitas menas de pans aragoneses agunque lo mas conoixito ye lo pan de zinta. Tamien cale remerar o pan amazerau (sobau n'atros puestos).

Á las capitals no bi a guaite puestos an se merca buen pan. Quio remerar en Zgz  Lo furno rustico n'as Fuens (n'ixe bico) agunque no ye masiau malo lo pan feito n'a Tahona Goyesca u Simon.

Exincusaz -me  per no en saper dengun de Uesca u Téruel. Podez remerar-me lis ne.

No pas ye farute  dizir que ye embolicau trobar ie un furno con calidat n'Aragón y  que cale implementar mes furnos de buen pan perque ixo prou que ye cultura.

 Imos a la rezeta

Imos á fer con a mesma dos menas de pan :barretas (bagettes)e fogaza.

Os ingredientz estan:

1) Farina  de  Rasmia 500 grs    

2) Augua tieda 300ml

3)Un carpet de Leba de Furner ixuta u 25 gr de umida

4)Una cuillara de sale 

5)2 cuillaretas d'asucre fosco.

                     -metemos n'augua tieda la leba con (dan) l'asucre

                    -mizclamos con a farina quan s'en beiga espumata

                    -masamos bels dez menutos

                    -metemos n'a bacia tapata dan bella cobertera u plato dica duple a suya grandaria 

1) Fogaza 

                     -Boleyamos e femos bels tallaus dan un cutiello.                                                                                        - Metemos tot n'una borsa de plastico de furniar untata d'olio

                    Tamien puet estar baixo una bacia de beire resistent à la caldor d'o furno

                    A yo personalment me cuaca meter a masa entri dos placas de furno( l'una susana l'atra) 

                    dan una taza dan augua

                    -Metemos de seguidas n'o furno fredo a 200 graus .

                    -Dimpues de 30 menutos sacamos d'a borsa/ bacia /sacamos a placa cobalta. 

                    -Deixamos dourar 10-15 menutos mes ta se dourar ne.

2)Barretas;

                    - metemos n'un bol tapau e deixamos duplar 

                    - cortamos a mas en 4 partis

                    -aplastamos y rollamos 

                    -estiramos dinde lo meyo dica as tucas 

                    -deixamos repusar 20 menutos n'un drap enfarinau con un plastico tapan as barretas

                    - deixamos con cudiau n'a bandeixa 

                    -femos tallaus al bies con una cutiella

                    -metemos n'o furno precalentau a 200º con atra bandeixa en cobertera dan una taza dan                             augua.

                    -pasaus 20 menutos quitamos a bandeixa d'alto ta que s'en doure en 10 u 15 menutos.

Toz ba fer una graniza  sospriesa!

Dende agora no cale merca n' furno, sopre tot n'os tristos cabos de semana d'abiento.

GOYOSAS BIROLLAS D'O PILAR !

Pdta. Si tos fa goy  fer pan de zinta en begata de fer forma de bola ferla mes  larga (eliutica) y con un tallau trasbersal e un tira fina d'un costau enta l'atro costau.

                   -

TORTA DE MENGRANA

Ingredients;

 Ta  ra masa quebrata:

• Farina 80 g
• Mantega 40 g
• Un Guego
• 1 pizca de sale
• 40 g de sucre

Ta lo repleno:

• 1 guego
• 40 g mantega
• una cullara d'olio
• un terzio de leba Royal
• 80 g de farina
• rallo de limon
• un churrion de conyac
• leit
• 40 g d'almella
• mengrana esgranata seguntes a mida

O primer de tot cale fer a masa quebrata barrechando os components asinas :farina-guego-mantega e l'asucre. S'en deixa reposar n'a nebera u conchelator.

Dimpues cale ben barrechar tots os elements d'o ripleno n'un bol.
N'una tortera de bardo mesmo se mete la masa quebrata dimpues d'aplanar-la con un rodiello sopre un papell de furniar (si lo papell ye mullato se puet treballar millor a traza d'a galeta).
Se fica u repleno n'a tortera cubierta de masa quebrata.
S'en fica sucre encima.
Se meten os granos de mengrana e se mete tot a lo furno a 200 g pro solament n'a parti baixa.
A la que siga dorau se saca.

Os grans de mengrana puen estar fora o dintro d' o ripleno.Fen un dibuxo o plenando tota la superfizie.
Exincusazme per aber feito l'afoto dimpues d'en minchar un piazet ( gallet, trozet...)

TRAZA DE MERCAR BECHETABLES E FRUITAS NÁRAGONES

Ye muit fazila: as de conoixer  nomes y aber diners ta mercar-los.Os diners os metes tu e yo te amustro este poster.

REZETA AMILLORATA DE ROSCO U BOLLETS (PEITOS DE LA SANTA AGUEDA).

Ingredients:

• 4 basos de farina normal u de forza(300Gs)
• 25 grms de leba fresca de fornero / 10 grms seca
• 1/2 baso d'augua tebia
• Sucre un baso/100 grms
• Sale
• 30 grms de mantega
• 1 guego
• Augua d'Azahar
• Rayadura de nrancha.
• Guindas,fruita escarchata,
• 1 baset de bino de xerez u ranzio

1)Desléir a leba en l'augua tebia con un cullareta de sucre,deixar reposar dica que empezipie ta gurguxiar (10 u 15 menutos)
2)Mientres ,retirar un poquet de clara d'o guego t'a decoraczión.
3) Barrechar e bater o zucre ,o guego,a mantega disuelta en leit tebia e ros de demás ingredients,esceptuando ra  farina.
4)Barrechar a meter d'a farina zernita con a leba(s'ouserba una reazión)
6) Chitar os ingredients  mezclaus y dimpués a resta d'a farina.
7) Masar intre 5 u 10 menutos.
8) Deixar reposar dica que dople a suya grandaria,protechiu por un drapo u plastico.Se quita e se le da traza sobre papell de forno.
9) Meter en o forno precalentau a 80º C. deixar allí 20 menutos  e incrementar a potezcia a 180º dica que oservemos que s'ha cociu(empecipia a tener color turrada.
10)Barnizar con a clara i espolboriar con sucre (se puet decorar  con guindas.
11)Meter a o grill dica que síga dorau.Sacar.

Puetz tagafar a forma de rosco de Reyes , de SanBalero, Santo Antón-Sant Blas,Santa Águeda,Bara de San José , trena, bollets etc.?